شعرای عاشقونه
گونلر اؤتوب آیا دؤندو
گؤز یاشلاریم چایا دؤندو
ندن کؤنلون داشا دؤندو
جانیم ـ گؤزوم هایانداسان
گولر اوزلوم هایانداسان
بیر نغمه یه دؤندو سؤزوم
سنه قوربان ایکی گؤزوم
سنسیزلییه نئجه دؤزوم
جانیم ـ گؤزوم هایانداسان
گولر اوزلوم هایانداسان
یوللار سنسیز قالیبدی گل
چن تبریزی آلیبدی گل
منی درده سالیبدی گل
جانیم ـ گؤزوم هایانداسان
گولر اوزلوم هایانداسان
کؤچوب بیر داهالیق گئتدین یانیمدان
بوتون دویغولاری آلدین جانیمدان
ایتیب گؤرونمه ین ناکام آنیمدان
اؤتوشمه دی بیر آن غم سیز کدر سیز
آغارتدیم ساچلاری سندن خبر سیز
بیر سئوگی نیسگیلی قالیب دی منده
یاشادیغیم ایللر ایتیب دی چن ده
کئشگه بو حالیمی گؤریدین سن ده
اؤتوشمه دی بیر آن غم سیز کدر سیز
آغارتدیم ساچلاری سندن خبر سیز
سندن سونرا ظولوم ظولوم آغلادیم
نئچه کؤنول قیریب اورک داغلادیم
نه کیمسه نی سئویب نه بئل باغلادیم
اؤتوشمه دی بیر آن غم سیز کدر سیز
آغارتدیم ساچلاری سندن خبر سیز
نئچه واخت دیر سندن داها خبر یوخ
بوندان بویوک منه درد یوخ کدر یوخ
آنجاق کی بو گونلر داریخیرام چوخ
اؤتوشمه دی بیر آن غم سیز کدر سیز
آغارتدیم ساچلاری سندن خبر سیز
اویانیب گونده باخام گؤزلرینین اویخوسونا
سون قویام بیر داهالیق گونده اورک قورخوسونا
بیر دوشون سؤزلریمه ، چیلپاق اوشاق دویغوسونا :
آچیلا پنجره میز کئشکه سیزین پنجره زه
داریخیب اووجوم ایچی اللرینین ایستیسینه
ایلیشه اینجه تئلین یاز یئلینین استیسینه
قاریشیب من سوبازین آغ دومانی - توستوسونه
آچیلا پنجره میز کئشکه سیزین پنجره زه
نئچه واختیر ایتیلیب پنجره دن گولمه لرین
داریخیب ، آغلاماغین ، گؤزلریوی سیلمه لرین
نه اولار بیر دولاشا ایلمه ییمه ایلمه لرین
آچیلا پنجره میز کئشکه سیزین پنجره زه
عشقین تمام نشئه سی دیوانه لیکده دیر
میخانه نین ملاحتی مستانه لیکده دیر
جاهل لر ایله عارفین اولمازعلاقه سی
حال اهلی نین تکاملی فرزانه لیکده دیر
لعلین خیالی کونلومه دولسا عجب دگیل
گیزلین خزینه نین چوخی ویرانه لیکده دیر
یئتمز وفاسی آخره نامرد اولان لارین
شخصین بوتون دیانتی مردانه لیکده دیر
واحداگرچی صنعته قیمت وئریرسه خلق
شعرین ده قدر و قیمتی دردانه لیکده دیر
عشقین تمام نشئه سی دیوانه لیکده دیر
میخانه نین ملاحتی مستانه لیکده دیر
جاهل لر ایله عارفین اولمازعلاقه سی
حال اهلی نین تکاملی فرزانه لیکده دیر
لعلین خیالی کونلومه دولسا عجب دگیل
گیزلین خزینه نین چوخی ویرانه لیکده دیر
یئتمز وفاسی آخره نامرد اولان لارین
شخصین بوتون دیانتی مردانه لیکده دیر
واحداگرچی صنعته قیمت وئریرسه خلق
شعرین ده قدر و قیمتی دردانه لیکده دیر
دؤزموشم او قدر هیجرانه ، دؤزومدن کوسموشم
اوزموشم امید وصلیندن ، اوزومدن کوسموشم
اویموشام ایللر بو ظاهربین گؤزون فیتواسینه
ایری لر دوز گؤزموشم از بس ، گؤزومدن کوسموشم
گؤرموشم چون مصلحت چنگینده ، طبعیم رام اولور
ائلدن ایلهام آلدیغیم شیرین سؤزومدن کوسموشم
تکجه عاصم سؤنمه ییر سینه مدن عشقین آتشی
سانما بئش گونلوک سمندر تک کؤزومدن کوسموشم
لحظه ها گذرا و خاطرات ماندگارند حاضرم تمام هستيم را بدهم تا لحظه ها ماندگار وخاطرات گذرا شوند!
سئوگیلیم،عشق اولماسا،وارلیق بوتون افسانه دیر
عشقیــده ن محــروم اولان،انسـانلیغــا بیگــانه دیر
سئـوگی دیـر،یالنیــز محببتــدیر حیــاتین جـوهــری
بیر کونـول کی عشق ذوقین دویماسا،غمخــانه دیر
من اسیــر عشقییــم،اوز خـالقیمین،اوز یـوردومــــون
سئــومــه یـن اوز خالقینی،اوز یـوردونــو دیوانـه دیــر
قوی وطن داییم ایشیقلانسین،گوزه ل بیر شمع تک
کونلوم!اول شمعین ضییاسین سیر ائده ن پروانه دیر
نـازنیــن!رعنـــــا گـوزللــردیــر،بـاخیـرسـان هـر یـانــا
بس بو تورپــاق اینــدی بیر جنت دگیــل،آیـا نـه دیـر؟!
اولکـه میـزده گور نه لــر وار،باشقــا بیر عالـم ده ییک
هـر چیچک بیـر نـازنیــن!هر غنچـه بیــر جـانـانـه دیــر
"واحید" - م من،سئوگیلیم،منده ن خیانت گورمه سن
شاعیــره م،عشقیم ده اوز قلبیـم کیمی مـردانــه دیــر
یــل تـوخــونــــدو یــاپــراقـــلارا
نـــغـــمـه دولــدو دوداغــقــلارا
دونـــوب بــاخــــدیم اوزاقـــلارا
سنی گوردوم گوزل سوگیلیم
تـــام آرزولار گـــوروشـــه نـده
مــورازلیــلار گولــوشــــه نـده
اویــمیـــزه گــون دوشــه نـده
سنی گوردوم گوزل سوگیلیم
بــیر مهربــان قــیز گــوره نـده
بیـــر جوت آلا گوز گــوره نــده
قــارا خاللی اوز گـــوره نـــده
سنی گوردوم گوزل سوگیلیم
بهــار قـــالی تــوخـــویـــانــــدا
گــوشـــلار نغــمــه اوخویـانــدا
ایـــلدیــریـــملار شــاخیــانـــدا
سنی گوردوم گوزل سوگیلیم
یــا اوزومــدن کــوسـنــده مــن
یــا فــیکیــرلی گه زه نده مــن
گـــوزه للریــن گـوزونـــده مــن
سنی گوردوم گوزل سوگیلیم
کوچلر سو سپيشم
يار گلند توز اولماسن
اِل گلسين ٬ اِل گتسين
آراميزدا سوز اولماسن
سماورم اوت سالمشام
ايستکان قت سالمشام
يارم گدیپ ٬ ته غالمشام
نه عزيزدی يارم ٬ جانم
نه شيرين دی ٬ يارم ٬ جانم
